एन आर एन स्पेन को सास्कृतिक कार्यक्रम सम्पन्न

यहि २२ सेप्टेम्बर का दिन गैर आबासीय नेपाली संघ स्पेन को आयोजना मा बिजया दसमी तथा दिपावली २०६८ को शुभ अवसर मा आयोजित बिशेष सास्कृतिक कार्यक्रम सम्पन्न भएको छ | शुभकामना आदान प्रदान गर्न आयोजित औपचारिक कार्यक्रमको अधक्ष्यता सस्थाका अध्यक्ष श्री अर्जुन प्रसाद काफ्ले ज्यु ले गर्नु भएको थियो भने उक्त कार्यक्रम सस्थाका महासचिब श्री बिष्णु रिजाल ले संचालन गर्नु भएको थियो | उपस्थित सबै नेपाली तथा गैर नेपाली आगन्तुक हरुलाई सस्थाका उपाधक्ष्य श्री प्रकाश तिमिल्सिना ज्यु ले स्वागत मन्तब्य दिदै शुभकामना दिनु भएको थियो | सो औपचारिक कार्यक्रम मा जन सम्पर्क समितिका सचिब श्री पेशल कोइराला , लोकतान्त्रिक मंचका उपाध्यक्ष श्री मुक्त बहादुर गुरुङ , जन प्रगतिशील का महासचिब श्री गोपाल रेग्मी , चितवन समाज का श्री तेजेन्द्र रिजाल , तमु समाज का महासचिब श्री गौतम गुरुङ ,मगर समाज का शेरबहादुर पुर्जा ले बिजया दशमी तथा दिपावली को शुभकामना ब्यक्त गर्नु भएको थियो | साथै सो कार्यक्रम का बिशेस अतिथि तथा गैर आबासीय नेपाली संघ अन्तरास्ट्रिय समन्यन समिति का सदस्य श्री रामलाल कंडेल ज्यु ले शुभकामना दिदै सबैको उत्तरोत्तर प्रगति को कामना गर्नु भयो | प्रमुख अतिथिको आशंन बाट बोल्दै नेपाली कौन्सिलोर श्री लुइस बेल्भिस ले यस्ता चाडपर्ब तथा कार्यक्रमले आफुलाई झन प्रभाबित बनाएको र बिगत २६ बर्ष देखि आफु नेपाल र नेपाली को सेवामा लागेको ले आफु आधा नेपाली जस्तै भएको बताउदै बिजया दशमी को शुभकामना दिदै एन आर एन स्पेन को प्रंसशा गर्नु भयो |औपचारिक कार्यक्रम को समापन गर्दै अधक्ष श्री अर्जुन प्रसाद काफ्ले ज्यु ले सबै आगन्तुक लाइ धन्यबाद , बिजया दशमी तथा दिपावली को शुभकामना दिदै अहिले सम्म एन आर एन स्पेन ले गरेका बिबिध कार्य संबन्धमा बताउनु भयो साथै कोहि पनि नेपाली हरु स्पेन मा दुताबासको अभाब वा अन्य समस्या बाट अन्याय मा पर्न नपरोस भनि कुनै समस्या भए जानाकारी गराउन अनुरोध गर्दै समाधान मा यथेस्ट सक्दो सहयोग पुर्याउने बचन बद्धता गर्नु भयो |
निर्धारित समय भन्दा अलि ढिला गरि सुरु भएको सास्कृतिक कार्यक्रम मा स्थानीय कलाकारहरु अजय लोप्चन ,पेम्बा छोटी शेर्पा , खुसबु खडका ,बिध्या भण्डारी , सुस्मिता गिरी लगायतको बेजोड प्रस्तुती रहेको थियो | सो कार्यकम मा नेपाल बाट पाल्नु भएका चिर परिचित ख्याती प्राप्त कलाकार यश कुमार संग दर्शक दिर्घा अति रमाएको थियो | उहाको बेजोड सुमधुर प्रस्तुती बाट दर्शकहरु प्रफुल्लित देखिन्थे | लोक गायक बिष्णु खत्री को गित सिमली छायामा बसी , दुना टपरी ,लगायत पन्चे बाजामा नाच्न दर्शकहरु तछाड मछाड गरेका देखिन्थे | सो सास्कृतिक कार्यकम का उद्घोषक बिष्णु रिजाल का गजल ,मुक्तक , कबिताले पनि कार्यक्रम लाइ रोमान्चक बनाएको देखिन्थ्यो | सो कार्यक्रम सफलताको लागि नेपाली दुताबास पेरिस बाट शुभकामना पठाईएको थियो |साथै कार्यक्रम सफल पार्न खानपिन पकवान को ब्यबस्था गर्नु हुने तथा व्यक्तिगत , सामाजिक ,सस्थागत , ब्यबसायिक रुपमा आर्थिक, भौतिक वा अन्य सहयोग गर्नुहुने सबै महानुभाब हरुलाइ सस्थाका अध्यक्ष ज्यु ले बिशेष धन्यबाद दिदै आगामी दिनमा पनि सहयोग सहकार्य को अपेक्षा राख्नु भएको थियो | बिशेस सहयोग गर्नु हुने सबै लाइ आइ सी सी सदस्य श्री रामलाल कंडेल तथा अधक्ष श्री अर्जुन प्रसाद काफ्ले ज्यु ले प्रसंशा पत्र प्रदान गर्नु भएको थियो |


बिष्णु रिजाल

जीवा द्धारा एनआरएनएको अध्यक्षमा उम्मेदवारी घोषणा

गैरआवासीय नेपाली संघका उपाध्यक्ष जीवा लामिछानेले अध्यक्ष पदमा आफ्नो उम्मेदवारी घोषणा गरेका छन । एनआरएनएको पाँचौ विश्व सम्मेलनको पुर्व सन्ध्यामा उनको यो उम्मेदवारी आधिकारीक रुपमा सार्वजनिक भएको हो ।


सुक्रबार उनीद्धारा जारी गरिएको सो उम्मेदवारी अबधारणापत्रमा भनिएको छ ।



"आदरणीय साथीहरु, सन् २००३ मा 'नेपालीकालागि नेपाली' भन्ने नारासहित गैरआवासीय नेपाली संघको स्थापना भएको हो । यो ८ वर्षको अवधिमा हामी धृरै रचनात्मक काम गर्न सफल भएका छौं । विश्वका विभिन्न ५६ देशहरुमा गैरआवासीय नेपाली संघका राष्ट्रिय समन्वय परिषद्हरु गठन गरिनु एउटा महत्वपूर्ण उपलब्धि हो । नेपाल भित्र र बाहिर अहिले गैरआवासीय नेपाली संघ एउटा स्थापित नाम बनिसकेको छ । गैरआवासीय नेपाली ऐन २०६४ र गैरआवासीय नेपाली नियमावली २०६५ जस्ता गैरआवासीय नेपाली अभियानसित सम्बन्धित ऐनकानुनहरु बनेका छन् । गैरआवासीय नेपालीहरुले नेपालमा विभिन्न क्षेत्रमा लगानी गर्ने प्रवृत्ति बढेको छ विदेशबाट नेपालमा अनुभव र सीप भित्य्राउने संस्थागत प्रयास हुन थालेको छ । गैरआवासीय नेपालीहरुले नेपालमा विभिन्न सामाजिक कार्यको सुरुवात तथा दैवीप्रकोपमा परेका नेपाली दाजुभाइ दिदीबहिनीहरुलाई राहत पुर् याउन मद्दत गर्नुका साथै आवश्यक पर्दा विदेशमा रहेका नेपालीहरुलाई पनि सहयोग गर्दैआएका छन् । हाम्रो संगठित प्रयासको परिणामस्वरुप कतिपय अवस्थामा विदेशमा कार्यरत नेपाली कामदारहरुको हकहितको प्रश्न राष्ट्रीयस्तरमा उठाएर सरकारको तर्फबाट आवश्यक कदम चलाउन पनि सक्षम भएका छौं । गैरआवासीय नेपालीहरुद्वारा सामूहिक रुपमा गरिने यस्ता विभिन्न क्रियाकलापबाट हाम्रो संगठित अभियानको महत्व र गरिमाको पुष्टि हुन्छ । नेपालमै पनि आज गैरआवासीय नेपालीहरुलाई देश विकासको एक महत्वपूर्ण सहभागीको रुपमा हेर्ने प्रवृत्ति बढेको छ ।

संसारका विभिन्न देशमा बसोवास गरिरहेका करिब तीस लाख नेपालीहरुको एकबद्धता र समर्पणबाट नै यो सम्भव हुन सकेको हो भन्ने कुरालाई हामीले बिस्रनु हुँदैन । यसका साथै नेपाली डायस्पोराले पनि अहिले हामीबाट निकै आशा राखेको छ । हाम्रो पुस्ता गैरआवासीय नेपालीहरुको पहिलो पुस्ता भएकाले नेपाली डायस्पोराको मातृभूमिसँगको सम्बन्धलाई अझ प्रगाढ बनाउँदे मुलुकको रुपन्तरणमा बढी सक्रिय र संगठित योगमान दिनुपर्ने तथा यसलाई एउटा परम्पराको रुपमा स्थापित गर्ने ऐतिहासिक जिम्मेवारी हामीमाथि आएको छ ।

गैरआवासीय नेपाली संघ अन्तर्राष्ट्रिय समन्वय परिषद्ले गतः आठ वर्षमा मलाई विभिन्न जिम्मेवारी सुम्पेको थियो । अन्तर्राष्ट्रिय समन्वय परिषद्ले मलाई सुम्पेका जिम्मेवारी अन्तर्गत देवघाटमा बृद्धाश्रमको निर्माण, २०६४-२०६५ सालमा बाढीपीडित तथा जापानमा सुनामीपीडितहरुका लागि राहत कोष अभियान, कोपेनहेगेनमा आयोजित "हिमालय बचाऊ" अभियान गैरआवासीय नेपाली संघअन्तर्गत च्यारेटी टास्क फोस्र लगायतका कार्यको संयोजकको दायित्वलई मैले समर्पित भई पूरा गरेको छु । मातृभूमिप्रति तपाईंहरु सबैको सद्भाव र लगावको कारणले सफल भएका यी परियोजनाहरुको कार्यान्वयनसित सँबन्धित अनुभवको आधारमा गैरआवासीय नेपाली संघको विश्वव्यापी बृहत् साजाललाई अझ मजबुत बनाई परिचालन गर्न सकिएको खण्डमा हाम्रो संगठनले यसभन्दा अझ ठूला योजनाहरु सफलतापूर्वक सम्पन्न गर्न सक्नेछ भन्नेमा अब हामीलाई कुनै द्विविधा छैन ।


नेपालको विकासमा महत्वपूर्ण भूमिका खेल्न सक्ने विभिन्न परियोजनाहरुमा पनि संलग्न रहेको छु । विभिन्न सामाजिक संस्थाहरुसित पनि सम्बन्धित छु र स्कूल र पुस्तकालय संचालन, बाटोघाटो र पुल निर्माण, सरसफाइ र खानेपानीको व्यवस्था, साहित्यको प्रबर्धन जस्ता काममा यथोचित आर्थिक तथा मानवीय सहयोग गर्दै आएको छु । मेरो निम्ति गैरआवासीय नेपाली अभियानको "नेपालीका लागि नेपाली" भन्ने भावना नै यो सबै क्रियाकलापका लागि प्रेरणाको स्रोत हो ।


गैरआवासीय नेपाली संघमा सन् २००३ देखि नै संलग्नताको अनुभवबाट वर्तमान समयमा मैले जुन दायित्व वहन गरिरहेको छु त्यसभन्दा बढी उत्तरदायित्वपूर्ण स्थितिमा रहेर समेत काम गर्न सक्तछु भन्ने आत्मविश्वास पलाएको छ । आफ्ना अग्रजहरुको व्यक्तित्व समर्पणभाव मैत्रीभाव र कार्यक्षमताबाट धेरै कुरा सिक्ने अवसर पाएको हुँदा हाम्रो संगठनलाई अझ उचाइमा लैजाने चुनौतीलाई नेतृत्व स्तरमा रहेर सामना गर्न सक्छु भन्ने विश्वास लिएको छु । तसर्थ विश्वभरिका धेरै साथीहरुसँगको अन्तरक्रियापछि मैले आगामी अक्टोबर महिनामा सम्पन्न हुने पाँचौं विश्वसम्मेलनमा गैरआवासीय नेपाली संघको अध्यक्षपदका लागि उम्मेदवारी दिने निर्णय गरेको छु ।


तपाईंहरुको विश्वास पाएँ भने संगठनका विविध कामका अतिरिक्त मेरो प्राथमिक महत्वको कार्ययोजना यसप्रकारको हुनेछ ।


१। सुरक्षित र मर्यादित वैदेशिक रोजगारी : मध्यपूर्व मलेसिया र छोटो समयका लागि रोजगारीमा गएका नेपालीहरुको ठूलो संख्या रहेका अन्य मुलुकका एनआरएन साथीहरुसंग परामर्श लिएर नेपालको अर्थतन्त्रको मेरुदण्डको रुपमा रहेको वैदेशिक रोजगारीको क्षेत्रलाई सुरक्षित, स्वस्थ र मर्यादित तुल्याउन नीतिगत सुधारका लागि नेपाल सरकारसँग निरन्तर पहल गर्नेछु । हाम्रा नेपाली दिदीबहिनीहरुका लागि पनि यो क्षेत्र सुरक्षित र मर्यादित तुल्याउन विशेष रुपले कार्य गर्नेछु । वैदेशिक रोजगारीपछि नेपाल फर्केकाहरुको स्रोत-साधन र सीप-ज्ञानको परिचालन गर्नका लागि उचित वातावरण बनाउन सम्बन्धित निकायमा पहल गर्नेछु ।


२। नागरिकता बदर नहुने व्यवस्था: "एक पटकको नेपाली सधैंको नेपाली" भन्ने गैरआवासीय नेपाली संघको मूलनाराप्रति म पूर्ण रुपले प्रतिबद्ध छु । नेपालको नयाँ बन्ने संविधानमा गैरआवासीय नेपालीहरुको नागरिकता बदर नहुने व्यवस्था सम्बन्धी प्रावधान समावेश गर्नका लागि सम्विधानसभा नेपाल सरकार राजनैतिक दलहरु तथा अन्य सम्बन्धित निकायहरुसँग समन्वय गर्नेछु र आवश्यक परेमा सिङ्गो गैरआवासीय नेपाली समुदायलाई परिचालन गर्नेछु ।


३। गैरआवासीय नेपाली ऐनमा संशोधन र गैरआवासीय नेपाली संघ दर्ता : संघको विधानमा उल्लेखित गैरआवासीय नेपालीको परिभाषा अनुकूल सबै बुँदाहरु समावेश गरी गैरआवासीय नेपाली ऐनमा संशोधन गर्न नेपाल सरकारसँग पहल गर्नेछु वर्तमान ऐनमा वैदेशिक रोजगारमा संलग्न बहुसंख्यक गैरआवासीय नेपालीहरु र विद्यार्थीहरुलाई पनि गैरआवासीय नेपालीको मान्यता प्रदान गरिएको छैन । यसमा संशोधन ल्याइनुपर्दछ । गैरआवासीय नेपाली ऐन २०६४ को संशोधनपश्चात् नेपालमा गैरआवासीय नेपाली संघको दर्ताका लागि बाटो स्वतः खुल्न जानेछ ।


४। सामूहिक लगानी : जलविद्युतको क्षेत्रमा लगानी गर्ने नेपाल सरकारको आह्वानलाई मनन गर्दै यस क्षेत्रमा सामूहिक लगानीको अवधारणलाई मूर्तरुप दिन पहल गर्नेछु । नेपालका केही जलविद्युत् परियोजनाहरुमा एक लगानीकर्ताको हैसियतले मसंग यस्ता परियोजनाहरुको व्यवस्थापनमा आवश्यक अनुभव र विश्वास समेत छ । त्यस्तै अन्य सुरक्षित र उपयुक्त लगानीका ठाउँको पहिचान गरी सबै क्षेत्रका एनआरएनहरुले सामूहिक लगानी गर्न सक्ने वातावरण निर्माणलाई प्राथमिकतामा राख्नेछु ।


५। गैरआवासीय नेपाली संघको स्थायित्व: गैरआवासीय नेपाली संघको स्थायित्वका लागि अक्षयकोष लगायतका अवधारणालाई अगाडि बढाउनुका साथै नेपालमा गैरआवासीय नेपाली संघको भवन निर्माणको सम्भावनालाई मूर्तरुप दिन पहल गर्नेछु ।


६। विद्यमान लोककल्याणकारी परियोजनाहरुको निरन्तरता र गैरआवासीय नेपालीसित सम्बन्धित अन्य क्रियाकलापहरु : गैरआवासीय नेपाली संघद्वारा चालिएका खास गरी खुला विश्वविद्यालय र पब्लिक लाइब्रेरी आदि लोककल्याणकारी र परोपकारी परियोजनाहरुको कार्यलाई राष्ट्रिय समन्वय परिषद्हरुको समर्थन जुटाएर जारी राख्दै हरेक राष्ट्रिय समन्वय परिषदले नेपालमा एउटा परोपकारी परियोजना निर्माण गर्ने अभियनलाई अझ सशक्त ढङ्गबाट अघि बढाउने छु । त्यसै गरी विदेशमा नेपाली उत्पादनको प्रबर्धन तथा नेपाली डायस्पोरालाई मुलुकको पर्यटन प्रबर्धनका लागि निरन्तर प्रेरित र परिचालन गर्नेछु ।


साथीहरु अन्त्यमा हामी सबैको साझा प्रयत्न र एकताको प्रतीकको रुपमा रहेको हाम्रो संस्थाको प्रतिष्ठा गरिमा र कार्यक्षमतालाई जीवन्त राख्न सबैको अमूल्य सहयोग सदभाव र पूर्ण समर्थनको आशा राख्दै यहाँहरुको सदीच्छा र सपनालाई मूर्त रुप दिन म सक्षम हुनेछु भन्ने विश्वाससहित आउँदो अक्टोबरमा काठमाडौंमा सम्पन्न हुने पाँचौं गैरआवासीय नेपाली विश्वसम्मेलनमा भेट्ने प्रतीक्षामा रहने छु ।"

धन्यवादसहित
जीवा लामिछाने
उपाध्यक्ष गैरआवासीय नेपाली संघ
अन्तर्राष्ट्रिय समन्वय परिषद्
मास्को रुस महासंघ ।
मिति : २३ सेप्टेम्बर २०११ ।

नेपाली अनुसन्धानकर्ता बटु शर्मा अमेरिकन सोसाइटी अफ माइक्रो बायलोजिबाट पुरस्कृत

निर्मल अर्याल, अमेरिका - नेपाली अनुसन्धानकर्ता बटु शर्मा अमेरिकन सोसाइटी अफ माइक्रोबायलोजिबाट पुरस्कृत संक्रमणखाले रोगका विषयमा शर्माको अनुसन्धान उत्कृष्ट नेपालका एक जना प्रतिभाशाली अनुसन्धानकर्ताले अमेरिकाको प्रतिष्ठित पुरस्कार हात पारेका छन् । सन् २ हजार ११ मा विभिन्न संक्रमणखाले रोगका विषयमा उत्कृष्ट अनुसन्धान गरेका डाक्टर बटु शर्मा कुइँकेलले अमेरिकन सोसाइटी अफ माइक्रोबायलोजिले प्रदान गरेको पुरस्कार हात पारेका हुन् ।
कुइँकेलसँगै यूरोपका चार अनुसन्धानकर्ताले पिन यो पुरस्कार जितेका छन् । शर्माले डुक विश्वविद्यालयको प्रयो
गशालामा आफ्नो अनुसन्धान पूरा गरेका थिए । शर्माको अनुसन्धान नयाँ रोगहरु विरुद्ध औषधी उत्पादन गर्न
फलदायी हुने भएकाले उनलाई पुरस्कृत गरिएको अमेरिकन सोसाइटी अफ माइक्रोबायलोजिले जनाएको छ । राजधानीको गोकर्ण सुन्ताखानमा जन्मनु भएका कुँइकेलले त्रिचन्द्र क्याम्पसबाट माइक्रोबायोलोजीमा बिएस्सी तथा त्रिभुवन विश्वविद्यालयबाट माइक्रोबायोलोजीमै उत्कृष्ट अंक ल्याएर स्नातकोत्तर पूरा गरेका थिए ।
एक दशक अघि अमेरिका पुगेका कुइँकेलले पिएचडी उपाधि भने अमेरिकाबाटै हासिल गरेका थिए । कुइकेलसँग राजधानीको नेपाल मेडिकल कलेज र काठमाडौ मेडिकल कलेजमा अध्ययन गराएको अनुभव पनि रहेको छ । समाजसेवामा समेत सकि्रय कुइकेल लायन्स क्लब अफ काठमाडौ जोरपाटीमा आबद्ध हुनुहुन्छ ।

एनआरएनए रूसको सातौं वार्षिक साधारणसभा सम्पन्न

डा. विन्दिता लामिछाने । मास्को, १८ सेप्टेम्बर २०११ (आइतवार) । रसियाली जनमैत्री विश्वविद्यालयको 'इन्टरक्लब' मा गैरआवासीय नेपाली राष्ट्रिय समन्वय परिषद् रूसको सातौं वार्षिक साधारणसभा सम्पन्न भयो ।

अपरान्ह १४.०० बजेदेखि सुरु भएको साधारणसभाको संचालन रूस राष्ट्रिय समन्वय परिषद्का महासचिव डा. मधुकृष्ण श्रेष्ठ 'माधुर्य' बाट गरिएको थियो भने उपाध्यक्ष विमला भण्डारी बस्यालले उपस्थित सम्पूर्ण सदस्यहरूका साथै आमन्त्रित अतिथिहरूको हार्दिक स्वागत गर्नुभयो ।

साधारण सभाको समारोहखण्डमा सहभागी हुनका लागि रूस आप्रवासी संघ लगायत सम्बन्धित विभिन्न संस्थाहरूका साथै रूस सीआईएस नेपाल उद्योगवाणिज्य संघ, नेपाली नारी निकुञ्ज, नेपाल खेलकूद तथा संस्कृति समाज, विश्व नेपाली साहित्य महासंघ, नेपाली छात्रसंघका प्रमुखहरूलाई पनि अतिथिको रूपमा निम्त्याइएको थियो ।
मास्कोस्थित नेपाली राजदूतावासका उपनियोगप्रमुख गहेन्द्र राजभण्डारीले गैरआवासीय नेपाली संघ रूसको क्रियाकलापमा राजदूतावासबाट पूर्ववत् सहयोग जारी रहने विश्वास दिलाउनुका साथै साधारणसभाको सफलताको कामना गर्नुभयो भने रूस-नेपाल मैत्री तथा सहयोग समाजका अध्यक्ष अलेक्सान्द्र सोलोभ्योभले साढे चार दशकभन्दा लामो समयदेखि क्रियाशील मैत्री समाज तथा रूसमा रहेका नेपालीहरूका संस्थाहरूबीच गहकिलो सम्बन्ध कायम रहेको जनाउँदै भविष्यमा पनि हाम्रा दुवै देशका जनताहरूबीच सम्बन्ध सुदृढीकरणमा हातेमालो गर्दै अगाडि बढ्दै जाने दृढता जनाउनुभयो ।

गैरआवासीय नेपाली संघ अन्तर्रराष्ट्रिय समन्वय परिषद्का उपाध्यक्ष जीवा लामिछानेले आगामी अक्टोबर महीनामा काठमाडौंमा सम्पन्न हुन गइरहेको पाँचौं गैरआवासीय नेपाली विश्वसम्मेलनको सन्दर्भमा प्रकाश पार्नुहुँदै २ महीनाअघि मात्र मास्कोमा सम्पन्न भएको सातौं गैरआवासीय नेपाली क्षेत्रीय सम्मेलनको अभूतपूर्व सफलतालाई गैरआवासीय नेपाली अभियानको उद्गमस्थल रूसमा बसोवास गरिरहेका नेपालीहरूको ऐक्यबद्धताको उदाहरण बताउनुभयो ।
साधारणसभाको विषयसूचिअनुसार कोषाध्यक्ष रङ्गनाथ पौडेल तथा महासचिव डा. मधुकृष्ण श्रेष्ठ 'माधुर्य' बाट क्रमशः आयव्ययको विवरण तथा कार्यकारिणी समितिको कार्यकालको प्रतिवेदन प्रस्तुत गरिएपछि त्यसमा व्यापक छलफल भई पारित गरिएको थियो भने भावी कार्यक्रमबारे पनि विचारविमर्श गरिएको थियो । उदाहरणका लागि भन्ने हो भने अंशतः रूस राष्ट्रिय समन्वय परिषद्को कार्यकारिणी समितिमा दुर्इ उपाध्यक्षमध्ये एक स्थान महिलाको निम्ति सुरक्षित राखिने प्रावधान रहेको सम्बन्धमा चर्चा हुँदा कतिपय नारी प्रतिनिधिहरूबाट नै यसरी संरक्षणको व्यवस्था गरिनु पनि लैङ्गिक असमानताको द्योतक हुने विचार व्यक्त गरिएको हुँदा नियमावलीबाट यो प्रावधान हटाउने निर्णय पारित भएको छ ।

वार्षिक साधारणसभाको पहिलो खण्डको कार्य सम्पन्न भएपछि अध्यक्ष डा. मणिराज पोखरेलबाट सभामा उपस्थित सबै महानुभावहरूप्रति हार्दिक धन्यवाद ज्ञापन गरिएको थियो ।
मध्यान्तरपश्चात् रूस राष्ट्रिय समन्वय परिषद्को नयाँ पाँचौं कार्यकालका लागि कार्यकारिणी समितिको निर्वाचन प्रक्रिया सम्पन्न गर्न डा. मणिराज पोखरेलको अध्यक्षतामा गठित सातसदस्यीय निर्वाचन समितिद्वारा साधारण सभासमक्ष नयाँ कार्यकारिणी समिति निर्विरोध निर्वाचित भएको घोषणा गरियो । तेह्रसदस्यीय कार्यकारिणी समिति यस प्रकार छ :
१. श्री उत्सवकुमार अमात्य (अध्यक्ष),
२. श्री रङ्गनाथ पौडेल (उपाध्यक्ष),
३. श्रीमती विमला भण्डारी बस्याल (उपाध्यक्ष),
४. डा. एकनारायण चापागाईं (महासचिव),
५. श्री गणेश रामदाम (सचिव),
६, श्री भरतराज झा (कोषाध्यक्ष),
७. श्री दीपेश दाहाल (सदस्य),
८. श्री एकनाथ दवाडी (सदस्य),
९. श्री रामप्रसाद पन्थी (सदस्य),
१०. श्री तेजबहादुर शाह -सदस्य),
११. योगेन्द्र पोखरेल (सदस्य),
१२. श्री प्रद्युम्न नेपाल (सदस्य),
१३. श्री हेमन्तकुमार सिंह (सदस्य) ।
साधारणसभामा उपस्थित सबै सदस्यहरूको करतलध्वनिका साथै गैरआवासीय नेपाली संघ अन्तर्राष्ट्रिय समन्वय परिषद्का उपाध्यक्ष जीवा लामिछानेले नवनिर्वाचित कार्यसमितिका सदस्यहरूलाई शपथ ग्रहण गराउनुभयो र गैरआवासीय नेपाली अभियानको उद्देश्यानुकूल क्रियाकलापमा सफलताको हार्दिक कामना व्यक्त गर्नुभयो ।
सौहार्दपूर्ण वातावरणमा सातौं वार्षिक साधारणसभाको समापनपश्चात् शुभकामना दिने क्रम चल्यो ।

यश कुमार र बिष्णु खत्री ले बार्सिलोना लाइभ कन्सर्ट गर्ने

गैर आबासीय नेपाली संघ स्पेन को आयोजना मा यहि सेप्टेम्बर २२ , बिहिबार का दिन स्पेन को बार्सिलोना मा नेपालका ख्याती प्राप्त कलाकार यश कुमार र बिष्णु खत्री ले लाइभ कन्सर्ट गर्ने भएका छन् | बिजया दशमी तथा दिपावली २०६८ को शुभ अवसर पारेर शुभकामना आदान प्रदान तथा लाइभ कन्सर्ट गर्ने सो कार्यक्रम को तयारि तथा प्रचार प्रसार द्रुतगतिमा बढिरहेको छ | सो कार्यक्रम बाट प्राप्त रकम एन आर एन कल्याणकारी कोष मा राखे निर्णय पहिलेनै भैसकेको छ | सो कार्यक्रम मा उपस्थित भै सहयोग गरिदिनु हुन स्पेन बासि नेपाली तथा गैर नेपालीहरु हरुलाई एन आर एन स्पेन ले हार्दिक अपिल गरेको छ |अन्य जानाकारीको लागि अर्जुन काफ्ले ६६६९८२५१२ ,, प्रकाश तिमिल्सिना ६९८६३३०६३ , बिष्णु रिजाल ६९८४५२१२० ,केदार ढुंगाना ६९७८३३०४४ संग सम्पर्क गर्न सक्न्नु हुनेछ |

समय - १६.०० बजे
मिति - २२ सेप्टेम्बर , २०११
स्थान -c/Tore den daminas nr. 6
HOSTAFRANCS
Metro L1,salida MERKAT

जन-सम्पर्क समिति स्पेनद्वारा बी पी कप भलिबल खेलाईने।

नेपाली जन-सम्पर्क समिति स्पेनद्वारा सदा झैं यस वर्ष पनि बी पी कप भलिवल खेलाईने भएको छ। प्रजातान्त्रिक समाजवादका प्रवर्तक महामानव स्व. बी. पी. कोईरालाको ९७ औं जन्म दिवसको उपलक्ष्यमा आयोजना गरिने उक्त भलिवल प्रतियोगितामा स्पेनमा रहेका सम्पुर्ण संघ संस्थाहरुलाई आधिकारिक रुपमा ईमेल मार्फत सहभागिताको लागि पत्राचार गरिएको छ। संघ संस्था वा स्वतन्त्र रुपमा पनि जो सुकैले टीम बनाएर उक्त प्रतियोगितामा भाग लिन सक्ने कुरा अवगत गराउंदै सबैलाई सहभागिताका लागि अनुरोध सहित निमन्त्रणा संस्थाका तर्फबाट कार्यक्रम संयोजक श्री पुष्पराज भन्डारीले गर्नु भएको छ।
सो प्रतियोगितामा प्रथम हुने टीम (समुह) लाई २५० युरो र दोश्रो हुने टीमलाई १०० युरो नगद सहित विशेष पुरस्कारको व्यवस्था गरिएको छ।
प्रतियोगिता हुने मिती :- सन २०११ सेप्टेम्वर १२ तारिख सोमवार दिनको १४:०० बजेबाट
स्थान :- बेसोस पार्क (मेट्रो L4, Besos mar)
टीम दर्ता शुल्क :- ६० युरो।
संपर्क :- पुष्पराज भन्डारी (कार्यक्रम संयोजक) ६९७३२६९९९, शालिकराम डुम्रे (उपाध्यक्ष ज स स) ६६२१९४६१९, दिपक सुबेदी (महामन्त्री ज स स) ६८७१४३९९३।

पुष्पराज भन्डारी
बार्सिलोना, स्पेन।

जनसम्पर्क समिति स्पेनले बुझायो स्टेट ईमिग्रेसन मन्त्रीलाई ज्ञापनपत्र

दिपक सुबेदी, स्पेन । नेपाली जनसम्पर्क समिति स्पेनद्वारा संस्थाका अध्यक्ष श्री एकराज गिरीको नेत्रित्वमा यहि जुलाई २६ तारिखका दिन एक डेलिगेसन गई स्पेनको कातालुन्या स्टेटका ईमिग्रेसन मन्त्री (Director de imigracion de Generalitat de Catalunya) मार्फत यहाँ बस्ने नेपालीहरुका बिबिध समस्याहरुका बारेमा ज्ञापनपत्र बुझाइएको छ ।
समितिले नेपाल र स्पेनको मैत्री सम्बन्ध, स्पेनमा बस्ने नेपालिहरुका परिवार पुनर्मिलनका लागि भारतको नयाँदील्ली स्थित स्पानिस दुतावासबाट भिषा प्रक्रिया सुरु गर्दा भोग्नु परेका समस्याहरुको साथै स्पेनमा बस्ने नेपालीहरुले दक्षिण अमेरिकी देशका नागरिक सरह पांच ९५० वर्षमा स्पेनको पासपोर्ट पाउनु पर्ने बिषयहरुका बारेमा छलफल गरि ज्ञापनपत्र बुझाइएको थियो।
बिशेषत परिवार पुनर्मीलनका लागि सम्पुर्ण भिषा प्रक्रियाहरु काठमाण्डौबाट गर्न पाउने ब्यवस्था गर्नका लागि यहाँको सरकारको सकरात्मक सोच रहेको पाइयो। त्यहि प्रक्रियालाई अगाडी बढाउन र यहाँ बस्ने नेपालीहरुले नेपाल सरकारद्वारा जारी गरिने पासपोर्ट, अन्य कागजातहरुका लागि झेल्नु परेका समस्याहरुको बारेमा छलफल गर्न यहि २०११ अगस्त १९ तारिखका दिन नेपाली दुतावास पेरिस, फ्रान्समा पुन: जनसम्पर्क समिति स्पेनको पहलमा समितिका अध्यक्षको नेत्रित्वमा अर्को डेलिगेसन जान लागिएको कुरा सबैलाई अवगत गराउंदै स्पेनमा बस्ने सम्पुर्ण नेपाली साथिहरुलाई केही सुझाव र सल्लाह भएमा (jssspain@yahoo.es & balewali@yahoo.com) ईमेलमा पठाउनका लागि समितिले अनुरोध गरेको छ ।
जनसम्पर्क समितिद्वारा गरिने राम्रा कामहरुलाई छायांमा पार्ने दुस्प्रयास स्वरुप अन्लाइन खबरहरुमा बिना नाम र छदम नाममा समाचारहरु सम्प्रेषण गर्ने प्रति खेद प्रकट गर्दै संस्था र समितिका बारेमा केही कुराहरु भएमा लिखित रुपमा वा स्वयम् बैठकमा उपस्थित भएर आफ्ना कुराहरु राख्नका लागि पनि अनुरोध गरेको छ ।

. डि. एफ. स्पेनको २१ औ बैठक सम्पन्न

दीपक खरेल, स्पेन - एन. डि. एफ. स्पेनको नियमित २१ औ बैठक सस्थाका अध्यक्ष पुष्प राज तिमील्सिनाको अध्यक्षकतामा बर्सिलोनामा बस्यो। बिसेशत आगामी ५ सेप्टेम्बरमा हुन गैरहेको तीज कार्यक्रममा केन्द्रीत बैठकले बिभिन्न बिषयहाँरुमा छलफल गरी निर्णय गरेको थियो। महिलाहरुको महानचाड हरितालिका तीजलाई बढी आकर्सित र रोमान्चक बनाउन सस्थाले कोषाध्यक्ष दीपा गुरुङ्को सम्योजकत्वो, शर्मिला सुबेदि, नुतन सेढाई खरेल्, याङ्दु शेर्पा, सिता तिमील्सिना, नारायणी तिमील्सिना, हिमा कार्कि, गुडी गुरुङ्, अनिता गुरुङ र पुन्य प्रभा सुबेदी सदस्य रहने गरी एक आयोजक कमिटी गठन गर्‍यो।

त्यस्तै कार्यक्रमलाई अझै सरल बनाउन बिभिन्न उपसमितीहरु गठन गर्‍यो। जस्मा जालपान समितिमा बल बहादुर कार्कि, शिब लामिछाने, ओमर बहादुर गुरुङ्, मञ्च बेबस्थापान समितिमा शिब प्रसाद गौतम्, गम बिक्, टिकट बितरन समितिमा मुक्त बहादुर गुरुङ्, प्रेम बहादुर गुरुङ र राजु भट्टराई, खेलकुद तथा चिट्ठा बितरन समितिमा राजु बस्नेत र केदार नाथ ढुंगाना , सान्स्कृतिक कार्यक्रम समितिमा दीपा गुरुङ र नुतन सेढाई खरेल र स्वागत समितिमा पुन्य प्रभा सुबेदी रहने निर्णय गर्‍यो।

साथै बैठकमा महासचिब दीपक खरेलले ल्याएको प्रस्ताब्, यस तीज कार्यक्रम बाट बचत रकमको १०% रकम नेपालीहरुको साझा सँगठन एन. आर. एन. स्पेनको कल्याणकारी कोशमा जम्मा गर्ने, प्रस्ताब बैठकले पारित गर्‍यो। तीज कार्यक्रममा सम्पुर्ण नेपालीहरुलाई हार्दीक निमन्त्रणाका साथ १६ बर्ष मुनिका बालबालिकहाँरुलाई निशुल्क प्रबेश दिने निर्णय गर्‍यो। मिस्ठान्न भोजन्, सान्स्कृतिक कार्यक्रम्, भागय दया चिट्ठा , खेल्कुद कार्यक्रम र बिशेस सहयोग गर्नु हुने हरुलाई बिशेस सम्मान गर्ने हुँदा कसैले पनि यो कार्यक्रम नछुटाउन हुन सस्था हार्दीक अनुरोध गर्दछ।

साथै बैठकले सस्थाको रिक्त रहेको उपादक्ष्य पदमा का. बा. उपादक्ष्य दिनेश गुरुङलाई नियुक्त गर्‍यो। एकछिन भए पनि आफ्नो सम्पूर्ण दुख बिर्शन आउ, गाउ, हासौ अनि नाचौ, तीज कार्यक्रम २०११ लाई भब्य रुपमा सफल परौ! भन्ने नाराका साथ बैठक सम्पन्न भएको थियो।


महासचिब
दीपक खरेल
लोकतान्त्रीक मञ्च स्पेन

जनसम्पर्क समिति स्पेनले नेपाली दुतावास पेरिसमा ज्ञापन पत्र बुझाउने

जनसम्पर्क समिति स्पेनको अगस्त ९ मङलबारका दिन स्पेनको बार्सिलोनामा समितिका अध्यक्ष एकराज गिरीको अध्यक्षतामा सम्पन्न भएको बैठकले नेपाली दुतावास पेरिसमा ज्ञापन पत्र बुझाउने निर्णय गरेको छ ।
स्पेन सरकारलाई बुझाइएको ज्ञापनपत्र र अगस्त २ तारिखका दिन सम्पन्न सांस्क्रितिक कार्यक्रमको समिक्षाबाट सुरु भएको बैठकले स्पेनमा बस्ने सम्पुर्ण नेपालीहरुका साझा समस्याहरुलाई लिएर यहि २०११ जुलाई २६ तारिखका दिन स्पेन सरकारलाई बुझाइएको ज्ञापनपत्र बुझाएको छ ।

स्पेनमा बस्ने नेपालीहरुको परिवार पुनर्मिलन प्रक्रियामा इन्डियाको नयाँदिल्ली स्थित स्पानिस दुतावासबाट गर्नुपर्दा निकै झन्झट र दु:ख हुने गरेकाले सो प्रक्रिया नेपालको काठमाण्डौमा रहेको स्पानिस कन्सुलेट मार्फत गर्नको लागि पहल गर्न र नेपाल-स्पेन विचको मैत्री सम्बन्ध प्रगाढ गराउनका लागि गरिएको ध्यानाकर्षण र अनुरोधको प्रतिउत्तर स्वरुप कातालुन्या स्टेटका ईमिग्रेसन मन्त्रीद्वारा पाईएको सकरात्मक जवाफ अनुरुप नेपाल सरकारको पनि ध्यानाकर्षण गराउनका लागि यहि २०११ अगस्त १९ तारिखका दिन समितिका अध्यक्षको नेत्रीत्वमा फ्रान्सको पेरिस स्थित नेपाली दुतावासमा एक ज्ञापनपत्र सहित डेलिगेसन जाने निर्णय गरेको हो ।
साथै सोही बैठकले यहि २०११ अगस्त २२ तारिखका दिन जर्मनको बर्लिनमा हुने जनसम्पर्क समिति युरोपियन समन्वय समितिको भेलामा स्पेनका तर्फबाट समितिका अध्यक्षको संयोजकत्वमा भागलिने निर्णय पनि गर्यो।
सेप्टेम्बर १२ तारिख सोमबारका दिन बी पी कप भलिबल प्रतियोगिता गर्ने निर्णयका साथ श्री पुष्पराज भन्डारिको संयोजकत्वमा राजु थापा, बेदराम कंडेल, सन्दिप मोहन भट्टराई र बालक्रिष्ण कंडेल सहितको ५ सदस्यिय कार्यक्रम व्यवस्थापन समिति गठन गर्यो। मुल्याङ्कन एवं अनुगमन उपसमितिद्वारा समितिमा प्राप्त प्रतिवेदनलाई यथासिघ्र कार्यान्वयन गर्दै जाने, नेपाली कांग्रेसको केन्द्रिय कार्यालयबाट प्राप्त क्रियाशिल सदस्यताको प्रमाणपत्र बितरण गर्ने लगायतका निर्णय गरिएको उक्त बैठकद्वारा मुटुका २ वटा भल्व फेर्नका लागी आर्थिक अभावका कारण जीवन मरणको दोसांधमा मृत्‍युसँग पौंठेजोरी खेल्दै गरेका नेपालको अर्घाखांची जिल्लाका १८ वर्षिय नरेश खत्रीलाई २० हजार नेपाली रुपैयां सहयोग गर्ने निर्णय पनि गरियो।

गैर आबासीय नेपाली रास्ट्रीय समन्यन समितिको बैठक १ अगस्त मा स्पेनको बार्सिलोनामा सम्पन्न भएको छ

विष्णु रिजाल, स्पेन - गैर आबासीय नेपाली रास्ट्रीय समन्यन समितिको बैठक १ अगस्त मा स्पेनको बार्सिलोनामा सम्पन्न भएको छ | समितिका अध्यक्ष श्री अर्जुन प्रसाद काफ्लेको अध्यक्षता बसेको उक्त बैठक ले विभिन्न निर्णयहरु गरेको छ |
समितिको सल्लाहकारमा पुर्ब निर्णय अनुसार निबर्तमान अध्यक्ष श्री अनिल गुरुङ रहनु भएको मा थप दुइ सल्लाहकारमा श्री मुक्त बहादुर गुरुङ र श्री गोपाल रेग्मी लाई राख्ने निर्णय गर्यो | छैटौ मस्को रिजनल कन्फरेन्स मा भाग लिनु भएका प्रतिनिधि श्री जगत्पाल सिलवाल ज्यु बाट सो सम्मेलन का उपलब्धि तथा बिबिध पक्षमा समितिलाई ब्रिफिंग गर्नु भएको थियो |
काठमाण्डौ मा हुनगैरहेको अन्तर्रास्ट्रिय सम्मेलन लाइ सफल गराउन र स्पेन बाट प्रनिधित्व गर्न चाहने साथीहरुले आगामी अगस्तको अन्तिम सातासम्म समितिमा इच्छा जाहेर गर्न अनुरोध गर्दै एन आर एन को सदस्यता अभियानलाइ अझ अघि बढाउने निर्णय गर्यो | कोषाध्यक्ष श्री केदार ढुंगाना द्वारा प्रस्तुत कल्याणकारी कोष अभिबृदी कार्यपत्र माथि छलफल गर्दै सोलाइ प्रभाबकारी र पारदर्सी बनाउने, पंजीकृत सदस्यता लिन चाहने साथीहरुलाई अगस्त अन्तिम सम्म सदस्यता खुला राख्ने र सो लाई निरन्तरता दिने जस्ता विभिन्न निर्णय गर्यो | सस्थालाई अझ प्रभाबकारी ,अनुशाषित ,मर्यादित बनाउन सस्थाका उपाध्यक्ष श्री बाबुकृष्ण कंडेल संयोजक र श्री गंगादेवी शर्मा सदस्य रहनेगरी अनुशासन समिति साथै महासचिब श्री बिष्णु रिजाल को संयोजकत्वमा श्री कृष्ण प्रसाद खनाल सदस्य रहनेगरी बिधान संसोधन तथा नियमाबलि मस्यौदा समिति गठन गरेको छ |
बैठक अन्तरास्ट्रिय समन्यन समितिका सदस्य श्री रामलाल कंडेल ज्यु को समुपस्थितिमा सम्पन्न भएको थियो | अन्तरास्ट्रिय युबा संजाल प्रतिनिधि प्रकाश अधिकारि तथा विभिन्न संघ सस्थाका अध्यक्ष तथा प्रतिनिधि श्री एकराज गिरि ,श्री इस्वरी प्रसाद शर्मा , श्री जगतपाल सिलवाल, श्री दिपक खरेल ज्युको बिशेष उपस्थिति रहेको थियो |

मनोज गजुरेल र कोमल वलि ले स्पेन को बार्सिलोना तताउने

नेपाल का ख्याती प्राप्त कलाकार हरु द्वारा स्पेन को बार्सिलोना तात्ने भएको छ |
यहि अगस्त २ तारिक का दिन ,कलाकार हास्य सम्राट मनोज गजुरेल र ख्याती प्राप्त लोक
गायिका कोमल वाली का साथ स्पेन बासि हरु रम्ने भएका छन् | नेपाली जन सम्पर्क समिति
को आयोजना मा हुन गैरहेको सो कार्यक्रम को लागि श्री निरज पोखरेल कार्यक्रम संयोजक
रहनु भएको छ |आफ्नो सास्कृतिक दौडाहामा युरोप आउनुभएका कलाकार हरु ले जर्मनी , यु
के लगायत का शहर हरुमा पनि आफ्ना रोचक र धमाकादार कार्यक्रम हरु पस्कने जानाकारी
आएको छ \ यो कार्यक्रम मा उपस्थित भै नेपाली गित संगित तथा हास्य को भरमग्दुर आनन्द

लिन र नेपाली कलाकार , कलाको सम्मान तथा हौसाला बडाउन सम्पूर्ण स्पेन बासि नेपालि
दाजी भाइ दिदि बहिनि हरुलाई बिशेस आमन्त्रण गरिएको छ |
समय - दिनको ४.३० बजे
शुल्क - युरो १० ,
कार्यक्रम हुने स्थान - C\ TORRE D EN DAMINAS , 6
Hostafrancs Metro 1 ,sortida mercat



महासचिब
दिपक सुबेदी

नेपाली जनसम्पर्क समिती पोर्तुगलद्वारा २९ औं बीपी स्मृति दिवस सम्पन्न

रामहरि लामिछाने
साउन ९, लिस्बन

नेपाली जन सम्पर्क समिती पोर्तुगलले लिस्बनमा आइतबार २९ औं बीपी स्मृति दिवसको अबसर पारेर "बिचारहरुको सान्दर्भिकता"
बिषयक गोष्ठी कार्यक्रम सम्पन्न गरेको छ । स्वर्गीय महानायक बीपीको
तस्बिरमा माल्यार्पण गर्दै सुरु गरिएको कार्यक्रम एनआरएन नेदरल्याण्डका
अध्यक्ष एबम जनसम्पर्क समिती नेदरल्याण्डका सल्लाहकार हरि
पौडेल प्रमुख आतिथ्यमा सम्पन्न भएको हो।
कार्यक्रममा प्रमुख अतिथि एबम जनसम्पर्क समिती नेदरल्याण्डका सल्लाहकार
हरि पौडेलले बिपीले पुर्याउनु भएको योगदानको चर्चा गर्दै बिपीले देखाउनु
भएको मार्गमा लाग्नु पर्नेमा जोड दिनुभयो। उहाले बिपीको सिद्दान्त
अनुसार नेपाली कांग्रेस अगाडी बढ्नु पर्ने आबश्यकता औल्याउदै प्रवास मै
रहेर भए पनि प्रजातन्त्र जोगाउन लागि पर्न सबैमा आग्रह गर्नुभयो। यसै
गरि उहाले नेपालका नेताहरुले नेपालको संबिधान बनाउन नसकिरहेको अबस्थामा
संबिधान नबने सम्म प्रवासमा रहेका कुनै पनि संघ संस्थाहरुले नेताहरुलाई
कार्यक्रमको सभागितामा बन्देज गराउनु पर्ने धारणा समेत राख्नुभयो।

नेपाली जनसम्पर्क समिति पोर्तुगलका अध्यक्ष एबम कार्यक्रमका सभापति
पूर्ण हमालले बिपीको स्मरण मात्र गरेर होइन कि उहाले दिनुभएको योगदानलाई
आत्मसाथ गर्दै अगाडी बढ्नु पर्ने बताउनुभयो। यस्तै एनआरएन पोर्तुगलका
निर्बर्तमान अधक्ष्य लक्ष्मी प्रसाद सापकोटाले बिपीको भनाइलाई स्वीकार
गर्दै नेपाली कांग्रेस एक ढिक्का भएर अगाडी बढ्नु पर्ने बताउनुभयो।

कार्यक्रमामा बोल्दै नेपाली जनसम्पर्क समिती पोर्तुगलका सल्लाहकार भिम
केसी कमलले बीपीका सिदान्तहरुलाई प्रभाबकारी रुपमा अबलम्बवन
गर्नुपर्नेमा जोड दिनु भयो।

यसै गरि कार्यक्रमामा सित बराल, भानु सापकोटा, सुशील गैरे, दामोदर
सुबेदी लगायतले बीपीको एक राजनीतिज्ञ मात्र नभैकन सफल साहित्यकार भएको
स्मरण गर्दै उहाले गर्नु भएको योगदानको चर्चा गर्नु भएको थियो।

हेमन्त सेढाइंले संचालन र कोषाध्यक्ष नारायण प्रसाद सापकोटाले स्वागत भाषण गर्नु
भएको कार्यक्रम रेस्टुरेन्ट टेस्ट अफ नेपाल साल्दानाको हलमा सम्पन्न
गरिएको थियो।

कार्यक्रम जनसम्पर्क समिती पोर्तुगलका अध्यक्ष पूर्ण हमालको
सभापतित्वमा सम्पन्न भएको थियो।

सर्बसम्मत नेतृत्व चयन गर्दै एनआरएन डेनमार्कको अधिवेशन सम्पन्न । - भीम के सी कमल

कोपनहेगन, २५ जुन

सर्बसम्मत रुपमा आगामी २ बर्षे कार्यकालको निम्ति नेतृत्व चयन गर्दै गैर आवाशिय नेपाली संघ, राष्ट्रीय समन्वय परिषद डेनमार्कको प्रथम राष्ट्रीय अधिवेशन डेनमार्कको राजधानी कोपनहेगनमा सम्पन्न भयो।

नेपाली राजदुतावास डेनमार्कको सभाहलमा सम्पन्न अधिवेशनले आगामी कार्यकालको निम्ति कोपनहेगनका पुराना ब्यबशायी एबम् समाजशेवी मोहनराज मिश्रको अध्यक्षतामा आइसिसि सदश्य महेश कंशाकार सहितको कार्यकारिणी समिति आम सहमतिबाट चयन गरेको छ। नवगठित समितिको उपाध्यक्षमा बबि कुमार क्षेत्री र गणेश ढकाल, महासचिव कृष्ण प्रसाद पौडेल, सचिब शिव कार्की, कोषाध्यक्ष हेम प्रसाद अर्याल, सदश्यहरुमा शशी कुमार ढकाल, नरेन्द्र बहादुर बस्नेत, रामशरण भट्ट, डम्मर तिमिल्सिना र सुर्य प्रकाश खनाल, महिला सदश्यहरु अन्जु श्रेष्ठ र बिध्या श्रेष्ठ क्षेत्री तथा आइसिसि महिला प्रतिनिधि देबी कुमारी गौतम एबम् युवा (बिध्यार्थी) प्रतिनिधि नबिन पौडेल चयन हुनु भएको छ। साथै बिधानको ब्यबस्था अनुसार समितिको संरक्षकमा संस्थापक अध्यक्ष सोमनाथ सापकोटा रहनु भएको छ।

अध्यक्ष सोमनाथ सापकोटाको अध्यक्षतामा सम्पन्न अधिवेशनको उदघाटन कार्यक्रमका प्रमुख अतिथि नेपाली राजदुतावासका महामहिम राजदुत विजयकान्त लाल कर्णले मैनबत्ति बालेर गर्नुभएको थियो। गणेश ढकालको संचालन र महेश कंशाकरको स्वागतबाट प्रारम्भ भएको उदघाटन कार्यक्रममा प्रमुख अतिथि राजदुत कर्ण, नेपाली जनसम्पर्क समितिका अध्यक्ष त्रीलोचन सापकोटा, एनडिएफका अध्यक्ष घनश्याम गौतम, जन प्रगतिशिल मन्चका दिपक तिवारी र बिध्यार्थी प्रतिनिधि यामलाल सुबेदीले शुभकामना मन्तब्य ब्यक्त गर्नु भएको थियो।



उदघाटन सत्र पश्चात सम्पन्न बन्द सत्रले बिधान संशोधन प्रस्ताब, बार्षिक प्रगति प्रतिबेदन तथा आर्थिक प्रतिबेदन पारित गरेको थियो।



कार्यक्रमको अन्तमा निबर्तमान अध्यक्ष सापकोटाले आफ्नो कार्यकाल सफल पार्न सहयोग पुर्याउने सबैलाइ धन्यबाद ज्ञापन गर्नुका साथै नवनिर्बाचित अध्यक्ष मिश्रले आफ्नो भावी कार्यक्रम संक्षिप्त रुपमा प्रस्तुत गर्नु भएको थियो।



बिध्यार्थी तथा डिपेन्डेन्ट, ग्रीनकार्ड स्किम, वर्क परमिट, पुराना पीआर बाहक बासिन्दा र अन्य युरोपियन पासपोर्ट लिएका गरी करिब १२०० जती आप्रवासी नेपालीको बसोबास रहेको अनुमान भएको डेनमार्कको सबभन्दा ठुलो छाता संगठनको अधिवेशनमा भएको उपस्थिति भने त्यती उत्साहजनक नभएको टिप्पणी गर्दै सहभागीहरुले एनआरएनको अभियान र संगठनलाइ थप प्रभाबकारी रुपमा अगाडी बढाउनु पर्ने आवस्यकता औल्याएका थिए ।

म्याग्दी समाज स्पेन को स्थापना

स्पेन मा नेपाली हरुको संख्या बढ्दो रुपमा हुदै आएको केहि बर्षमा नै बिभिन्न जातीय ,सामाजिक ,तथा राजनैतिक सस्था हरु र क्षेत्रीय संगठन हरुको बिस्तार भएका छन् .
संगठन बिस्तार हुनु आफैमा राम्रो हो चाहे त्यो जातीय होस या सामाजिक तथा राजनैतिक नै किन नहोस किनकि सबैको उदेस्य भनेको नेपालि हरुको हित र संरक्षण कै लागि हो
यिनै कुरा लाई मध्ये नजर राखी म्याग्दी का नेपाली हरुको बृहत भेला ले २०११ मे १४ तारिख स्पेन को बार्सिलोनामा म्याग्दी समाज स्पेन को गठन भएको छन् म्याग्दी समाज भनेर एक क्षेत्र को उद्घोष गरेपनि सबै नेपालीको हितमा रहने यस सस्था को उदेस्य रहने कुरा सस्थाका सह - सचिब दिपक के सी ले बताउनु भएको छ . सबै व्यवसायी तथा कामदार नया र पुराना सबै लाई समेटेर लागिएको र भबिस्यमा सबै संग सहमत र सहकार्य गरिने गरि कार्यक्रम हरु अगाडी बढाइने सस्था का अध्यक्ष बुढाथोकी ले प्रतिबदता व्यक्त गर्दै ५ सल्लाहकार समिति का साथ १७ कार्य समिति को तयार गरिएको प्राप्त समाचार मा उल्लेखित छ उक्त नब गठित सस्था लाई नेपाली समाज स्पेन द्वारा हार्दिक बधाई व्यक्त गर्दै प्रगति को कामना पनि गरेको छ कार्यसमिति का सम्पुर्ण पदाधिकारी हरुले नब गठित सस्था को दर्ता प्रक्रिया लाई अगाडी बढाउदै नेपाली माझ लैजाने र नेपाली हरुको हक हित र संरक्षण लागि एक हुने कुरा समेत एक साथ प्रतिबद्दता व्यक्त गरेका छन् स्मरण रहोस म्यादी समाज अन्य युरोपियन देश हरुमा समेत बिस्तार भएको छ .
कार्य समिति को नाम यस प्रकार रहेको छ
अध्यक्ष्य > खगेन्द्र बुढाथोकी
उपाध्यक्ष > राज कुमार के सी
सचिब > दिनेश बनिया
कोषाध्यक्ष > रमेश पौडेल
सह सचिब > दिपक के सी
सह कोषाधक्ष्य > सेर बहादर पुर्जा
सदस्य हरु
कृष्ण पन
रबिन्द्र प्रसाद पुन
पदम पुन
अविन श्रेस्ठ
खगेन्द्र प्रसाद तुलाचन
रुपेश राम्झाली
बिराज भट्टचन
मान रोक्का
मञ्जु के सी
सरोज के सी
धन पुन
सलाहकार
लाल बाहादुर केसी
निर्मल श्रेष्ठ
सन्त बाहादुर क्षेत्री
गणेश बानिया
लक्ष्मण पुन
स्रोत > सस्थाको जानकारी
दिपक के सी
दिनेश बानिया

रूसमा कृष्णप्रसाद भट्टराईको स्मृतिमा श्रद्धाञ्जलिसभा

कृष्णप्रकाश श्रेष्ठ । मास्को, १६ मार्च २०११ । रूसको राजधानीमा बसोवास र अध्ययन गरिरहेका नेपालीहरूको उपस्थितिमा नेपाली राजदूतावासमा सन्त राजनेता स्वर्गीय कृष्णप्रसाद भट्टराईको तेह्रौं पुण्य तिथिकै दिन श्रद्धाञ्जलिसभाको आयोजना गरिएको थियो । दिवंगत भट्टराईको आत्माको चिरशान्तिको कामना गर्दै एक मिनटको मौनधारणाबाट प्रारम्भ गरिएको श्रद्धाञ्जलिसभाको संचालन गर्दै उपनिकाय प्रमुख गेहेन्द्र राजभण्डारीले नेपालका पूर्वप्रधानमन्त्री स्वर्गीय कृष्णप्रसाद भट्टराईको ओजस्वी राजनैतिक व्यक्तित्वको सम्झना गर्दै भावनात्मक श्रद्धासुमन अर्पण गर्न इच्छुक महानुभावहरूसित आग्रह गर्नुभएको थियो ।

जनसंपर्क समिती अष्ट्रेलियाको भट्टराईप्रती भावपूर्ण श्रद्धान्जली

जनसंपर्क समिती अष्ट्रेलियाको भट्टराईप्रती भावपूर्ण श्रद्धान्जली

नेपाली कांग्रेसका संस्थापक नेता तथा नेपाली लोकतान्त्रिक आन्दोलनमा २००७ साल देखी अनबरत रुपमा आफ्नो जीवन सुम्पिनु भएका आध्यत्मिक एबम सन्तनेता कृष्ण प्रसाद भट्टराईको निधनको खबरले जनसंपर्क समिती अष्ट्रेलिया तथा अष्ट्रेलियामा रहेका सम्पूर्ण लोकतन्त्रबादी समुदाय स्तब्ध भएको छ। वहाँको निधन ले नेपाली कांग्रेस पार्टीले मात्र नभै मुलुकले नै एउटा राजनीतिक अभिभावक गुमाएको छ।  वहाँको बहुआयमिक ब्यक्तित्व, सन्योजन्कारी भूमिका, मुल्य, मान्यता  र आदर्शको राजनीति गर्ने एक अत्यन्त अनुभवी राजनीतिज्ञको अभाव मुलुकमा खटकिरहने पनि जनसंपर्क समिती अष्ट्रेलिया महसुस गर्दछ। वहाँको निधन को यस दु:खद घडीमा दिगम्बत आत्माको चीर शान्तीको कामना गर्नुका साथै सोकसन्तप्त परिवार तथा आम लोकतन्त्रबादी समुदायमा धैर्य धारण गर्ने क्षमता प्रदान गरुन भन्ने इश्वरसँग प्रार्थना गर्दछ।
जयनेपाल
उमेश सिलवाल
सभापति
जनसंपर्क समिती अष्ट्रेलिया

परराष्ट्रमन्त्री सुजाता कोईराला कुवेतमा

राजन रिमाल   कुवेत। उपप्रधान तथा बिदेशमन्त्री सुजाता कोइराला  १६  जनवरीका दिन कुवेत आईपुग्नु भएको छ ।

दुबइ देखी  ईमिरेट्सको बिमानबाट कुवेत आउनु भएकी कोईरालाई स्वागत गर्नका लागि नेपाली दूताबास कुवेतका महामहिम राजदूत मधुवन पौडेल, श्रीमती सिता पौडेल, सचिब पुष्प राज भटराई, कर्मारी भुवन पौडेल र मित्र सिर्जाली पुग्नु भएको थियो  । त्यस्तै कुवेतमा रहेका नेपालीको तर्फबाट एन आर एन ए कुवेतका सचिब सुजन के सि को अगुवाईमा २०-२२ जना स्वागतको लागि पुष्प गुच्छा लिएर बिमान स्थल पुगेपनी एअरपोर्टको  एथोरोटी तथा यहाँको बिदेश मन्त्रालयका कर्मचारीले नेपाली समाजका ५ जनालाई मात्र भेट्ने अनुमती दिएको थियो ।

उपप्रधान मन्त्रीलाई पुष्प गुच्र्छा दिएर सुजन के सि, नेपाल कुवेत सस्कर्तिक मंचका  टिका राम  आचार्य, नेपाल कुवैत डट कमका  राजन रिमाल, राजु खडका र नेपालबाट सोमबारै आएका  नेपाल पत्रकार महासंघका महासचिब पोषण के सि ले  स्वागत गर्न भएको थियो ।

  पुष्प गुच्छा दिने क्रममा उपप्रधान मन्त्रीले एन आर एन ए का सचिब सुजन के सिलाई तपाईंहरुसँग बसेर धेरै कुरा गर्न छ भन्नु भयो के सि ले बाहिर  निस्के पछी भने ।      

उपप्रधान मन्त्री सँग मिडिल ईस्ट तथा अफ्रिका हेर्ने प्रराष्ट्र सहसचिब धनन्जय झा, गृहमन्त्रलाय,   अर्थमन्त्रालयका उपसचिब लगाएत दश सदस्य टोली कुवेत आएको छ । उपप्रधान मन्त्रीले कुवेतका मन्त्री मण्डल  लगाएत राजालाई पनि भेट्नु हुने छ भने मगलबार नेपाली दूताबासको औपचारिक  उदघाटन गर्नु हुनेछ ।

 

नेपाली जनसम्पर्क समिति स्विट्जरल्याण्डद्वारा राष्ट्रिय मेलमिलाप दिवस को सम्झना

मेडन गौली, स्विट्जरल्याण्ड - नेपाली जनसम्पर्क समिति स्विट्जरल्याण्ड का अध्यक्ष राम कुमार महतोले राष्ट्रिय मेलमिलाप दिवस पौष १६ को सन्दर्भमा आयोजित एक कार्यक्रममा महामानव स्व. बि. पी. कोइरालाको तत्कालिन राष्ट्रिय मेलमिलाप  अवधाराणाको प्रशँशा गर्दै उक्त निति वर्तमान नेपालको यस बिषम परिश्थितिमा अझ बढी सान्दर्भिक भएको कुरा उल्लेख गर्नु भयो।
संबिधान निर्माणको यस जिम्मेवारीपुर्ण समयमा स्व. कोइरालाको मेलमिलाप नितिलाई आत्मासात गरि संबिधान सभाका सम्पुर्ण दलहरुले सहमती र सहकार्यलाई प्राथमिकाताकासाथ अघी बढाएमा नेपाली जनताको नयाँ नेपालको परिकल्पना अवश्य पूरा हुने कुरा ओल्याउनु भयो। अध्यक्ष महतोले उक्त अवसरमा  नेपाली काङ्रेसले आह्वान गरेको राष्ट्रिय जनजागरण अभियानको सफलताको लागि शुभकामना  समेत ब्यक्त गर्नु भयो । कार्यक्रममा समितिका पदाधिकरीहरु तथा सल्लाहाकारको समेत समुपस्थिती रहेको थियो।